«Śledstva praciahvajecca. Jany znachodziacca pad vartaj», — skazaŭ Pabiaržyn, kamientujučy infarmacyju pra los byłoha pieršaha namieśnika staršyni praŭleńnia Biełarusbanka Hienadzia Haspadaryka, byłoha vykanaŭčaha dyrektara Biełarusbanka Anatola Bahavika i eks-kiraŭnika Bankaŭskaha pracesinhavaha centra Hienadzia Zubarava.

Pavodle infarmacyi TUT.BY, zatrymańni źviazanyja z «adkatami» pry pastaŭkach bankaŭskaha abstalavańnia.

Raniej KDB paćviardžaŭ tolki zatrymańnie Haspadaryka. Pavodle infarmacyi siłavikoŭ, bankir byŭ zatrymany ŭ siaredzinie červienia ŭ momant atrymańnia chabaru ŭ pamiery $14 tys. U dačynieńni da Haspadaryka raspačali kryminalnuju spravu pa č.3 art. 430 (atrymańnie chabaru). Paźniej kiraŭnik KDB Valeryj Vakulčyk zajaviŭ, što realnyja sumy, atrymanyja top-mieniedžaram Biełarusbanka ŭ jakaści chabaru, «našmat bolšyja».

Praź miesiac źjaviłasia infarmacyja ab zatrymańni Anatola Bahavika i Hienadzia Zubarava. Ale dahetul hetaja infarmacyja aficyjna nie paćviardžałasia. Bahavik da taho jak ŭ 2014 hodzie staŭ vykanaŭčym dyrektaram banka, šmat hadoŭ uznačalvaŭ raźlikovy centr bankaŭskich płastykavych kart Biełarusbanka.

Hienadź Zubaraŭ praciahły čas pracavaŭ u Biełarusbanku. Jon byŭ načalnikam adździeła bankaŭskich kart i dyrektaram raźlikovaha centra płastykavych kart. U 2002 hodzie Zubarava pryznačyli hiendyrektaram «Bankaŭskaha pracesinhavaha centra», a jaho miesca ŭ Biełarusbanku zaniaŭ Bahavik.

Клас
Панылы сорам
Ха-ха
Ого
Сумна
Абуральна