Padčas pratestu «niedarmajedaŭ» u Rahačovie 12 sakavika ŭvahu ludziej źviarnuŭ na siabie mužčyna ŭ akularach, jaki raskazvaŭ prysutnym, što jon taksama darmajed, ale spłaciŭ padatak. A pratestujučyja, maŭlaŭ, nadumvajuć sabie prablemy i zajmajucca aby-čym.

«Ludzi razvučylisia pracavać, — kazaŭ jon. — A hetaja prablema [dekret №3] užo vyrašanaja. Ja voś nidzie nie pracuju, ale płaču padatak».

Čas na videa, dzie źjaŭlajecca mužčyna: 33:03

U chłopca, jaki ŭziaŭsia ź im spračacca, toj spytaŭsia, što jon umieje rabić, i što zrabiŭ dla dziaržavy. Skazaŭ taksama, što ŭ «Francyi padatak 75% z adnaho rubla», i što nielha «žyć u hramadstvie, i być svabodnym ad jaho».

Ludzi žorstka absiekli hetaha mužčynu, a na nastupny dzień u kamientarach pad artykułam z akcyi na sajcie vrogacheve internaŭty apaznali čałavieka ŭ akularach. 

Jak pišuć karystalniki, heta — Alaksandr Piatrovič Ślapcoŭ, ideołah śvinakompleksa ŭ Zareččy, pryharadzie Rahačova. 

Možacie paraŭnać hetyja fotazdymki: ź videa-anłajna i z sajta miascovaj «rajonki». 

«Naša Niva» dazvaniłasia na śvinafiermu, dzie pracuje Ślapcoŭ. 

Jahonyja kalehi, u jakich my pytalisia numar, vykazvali zdahadki, što cikavaść žurnalistaŭ da asoby ichniaha ideołaha vyklikana «učorašnimi padziejami».

Ale sam Alaksandr Ślapcoŭ admoviŭsia havaryć z žurnalistami, paprasiŭšy papiarednie pradastavić dakumienty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?