Advakat Uładzisłava Kazakieviča padaŭ apielacyjnuju skarhu na prysud Minskaha haradskoha suda ŭ Viarchoŭny sud. Apielacyjnaja skarha była padadzienaja viečaram 10 sakavika, paviedamiła BiełTA pamočnik staršyni Minskaha haradskoha suda Anastasija Šylvian.

Data sudovaha razboru ŭ Viarchoŭnym sudzie ŭ paradku apielacyjnaj vytvorčaści pakul nie pryznačanaja.

Jak viadoma, sudovy razhlad pa spravie, źviazanaj z trahiedyjaj u HC «Jeŭropa», pačaŭsia 20 lutaha i prachodziŭ ŭ adkrytym režymie. 3 sakavika Minski haradski sud pryhavaryŭ Uładzisłava Kazakieviča da maksimalna mahčymaha ŭ dadzienym vypadku terminu — 15 hadoŭ pazbaŭleńnia voli z adbyvańniem pakarańnia ŭ papraŭčaj kałonii ahulnaha režymu. Jon pryznany vinavatym u padrychtoŭcy da zabojstva dvuch i bolš asob, zamachu na zabojstva dvuch i bolš asob, zabojstvie, učynienym z asablivaj žorstkaściu z chulihanskich mierkavańniaŭ, a taksama chulihanstvie.

Клас
0
Панылы сорам
0
Ха-ха
0
Ого
0
Сумна
0
Абуральна
0