Taksist ŭ Baranavičach abnaviŭ ałkaholny antyrekord Bresckaj vobłaści. Kolkaść śpirtu ŭ vydychanym pavietry skłała 4,35 pramile, paviedamlaje gaibrest.by.

Vypadak adbyŭsia 12 sakavika 2017 hoda kala 22:15. Supracoŭniki DAI spynili aŭtamabil taksi marki «Reno Miehan», jaki pry ruchu zaskakvaŭ na bardziurnyja kamiani i vilaŭ z boku ŭ bok.

Miedycynski ahlad taksista, miascovaha žychara 1980 h.r., pakazaŭ 4,35 pramile. Pry hetym, pa zajavach miedykaŭ, śmiarotnaja doza ałkaholu dla čałavieka składaje 5—6 pramile.

U dačynieńni kiroŭcy skłali pratakoł za kiravańnie u stanie ałkaholnaha apjanieńnia, a aŭto dastavili na štrafstajanku.

Inśpiektary źviazalisia z dyśpietčaram słužby taksi, u jakoj pracavaŭ parušalnik. Adnak tam nie zmahli patłumačyć, ci znachodziłasia ŭ toj viečar mašyna na linii. Hetaje pytańnie ciapier ŭdakładniajecca.

Papiaredni ałkaholny antyrekord Bresckaj vobłaści ŭstanaviŭ u śniežni minułaha hoda bieraściejec, jaki kiravaŭ Opel Zafira z 3,97 pramile.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?