Hetuju infarmacyju Radyjo Svaboda paćvierdziŭ homielski pravaabaronca Leanid Sudalenka. U sudzie Centralnaha rajona Homiela 13 sakavika byli asudžanyja Viktar Rubcoŭ i Maksim Filipovič. Ich abvinavačvali va ŭdziele ŭ akcyi pratestu suprać dekreta № 3, jaki adbyŭsia ŭ Homieli 19 lutaha.

Viktar Rubcoŭ atrymaŭ 14 sutak aryštu.

Maksim Filipovič — 13 sutak. Jaho samoha na sudzie nie było. Suviazi ź im niama. 11 sakavika padčas akcyi pratestu ŭ Pinsku Maksima Filipoviča sprabavali zatrymać ludzi ŭ cyvilnym.

Uviečary 13 sakavika jon vyjšaŭ na suviaź, paviedamiŭšy, što ŭ vioscy jaho baćkoŭ (v. Karanioŭka, vuł. Lasnaja, Homielski rajon) dziažurać «cichary».

Filipoviča zatrymali 13 sakavika kala 21.00. Jon znachodziŭsia ŭ vioscy Karanioŭka Homielskaha rajona. Mužčynu zatrymlivali supracoŭniki AMAPa, jaho dastaviać u SIZA na vuł. Mižharodniaja, raspavioŭ TUT.BY pravavy inśpiektar niezaležnaha prafsajuzu REP Leanid Sudalenka. U bližejšy čas płanujecca arhanizavać vizit advakata.

Razhlad anałahičnych pratakołaŭ u dačynieńni da jašče niekalkich homielskich aktyvistaŭ płanujecca 17 sakavika.

11 sakavika Filipovič zdymaŭ akcyju pratestu ŭ Pinsku (Bresckaja vobłaść). Błohiera sprabavali zatrymać nieviadomyja, ale za jaho zastupilisia ŭdzielniki mierapryjemstva.

33-hadovy błohier z Homiela Maksim Filipovič staŭ viadomy paśla aktyŭnaha asudžeńnia «darmajedskaha» dekreta № 3, achviaraj jakoha staŭ jon sam

U Pinsku žychary horada praviali Filipoviča da vakzała, kab toj paźbieh zatrymańnia, fota Mikity Niedavierkava

U Pinsku žychary horada praviali Filipoviča da vakzała, kab toj paźbieh zatrymańnia, fota Mikity Niedavierkava

Клас
Панылы сорам
Ха-ха
Ого
Сумна
Абуральна