Siaredniaja biełaruskaja siamja ŭ minułym hodzie mieła 962,3 rubla ŭ miesiac, paviedamlaje Biełstat pa vynikach vybaračnaha abśledavańnia chatnich haspadarak pavodle ŭzroŭniu žyćcia. U haradach i pasiołkach haradskoha typu hetaja suma skłała 1 034,3 rubla ŭ miesiac, u sielskich nasielenych punktach — 773 rubli.
Fota Iryny Arachoŭskaj
U pieraliku na dalary pa siarednieŭzvažanym kursie Nacbanka suma, jakoj u minułym hodzie štomiesiac mieła siaredniestatystyčnaja biełaruskaja siamja, skłała 481 dalar.
Štomiesiačnyja spažyvieckija raschody siaredniaj siamji ŭ minułym hodzie skłali 677,7 rubla: haradach i pasiołkach haradskoha typu - 748,2 rubla, u sielskich nasielenych punktach - 492,5 rubla.
Siaredniaje biełaruskaje siamiejstva ŭ 2016 hodzie bolš za ŭsio traciła hrošaj na charčavańnie - 41,5% (hod tamu - 41,9%). Na niecharčovyja tavary sychodziła 31,6% u miesiac (hod tamu — 32,7%), na apłatu pasłuh — 23,6% (hod tamu - na 21,9%), a ałkahol i tytuń — 3,3 % (hod tamu - 3,5%).
Tym časam u Biełarusi praciahvaje raści kolkaść siemjaŭ, jakija žyvuć za miažoj biednaści. U 4-m kvartale minułaha hoda ŭ 170 tysiač chatnich haspadarak štomiesiačny dachod nie pieravyšaŭ biudžet pražytačnaha minimumu. Dla paraŭnańnia: u lipieni-vieraśni za nacyjanalnaj rysaj biednaści znachodziłasia amal 158,8 tysiačy siemjaŭ.
Čaściej stali akazvacca za miažoj biednaści adzinokija biełarusy - 1,8% ad ahulnaj kolkaści hetaj katehoryi. Hod tamu - 1,5%.
