Ministerstva pryrodnych resursaŭ i achovy navakolnaha asiarodździa nahadvaje, što sielskahaspadarčyja pały i vypalvańnie suchoj raślinnaści na terytoryi Biełarusi zabaronienyja. Takaja infarmacyja raźmieščana na sajcie ministerstva, paviedamlaje BIEŁTA.
Raźviadzieńnie vohniščaŭ, spalvańnie raślinnych reštkaŭ na terytoryjach ahulnaha karystańnia ŭ nasielenych punktach nie dapuskajucca, za vyklučeńniem śpiecyjalna abstalavanych dla hetaha miescaŭ, vyznačanych rašeńniami miascovych vykanaŭčych i rasparadčych orhanaŭ. A na astatnich terytoryjach dapuskajucca z zachavańniem patrabavańniaŭ u halinie achovy navakolnaha asiarodździa i praviłaŭ pažarnaj biaśpieki.
Karystalniki abjektaŭ raślinnaha śvietu, ziamielnych učastkaŭ abo vodnych abjektaŭ abaviazanyja vykonvać praviły pažarnaj biaśpieki i ŭ vypadku vyjaŭleńnia ačahoŭ uzharańnia pryniać miery pa ich likvidacyi.
Za nievykanańnie nazvanych patrabavańniaŭ praduhledžana administracyjnaja adkaznaść. Za niezakonnaje vypalvańnie suchoj raślinnaści, traŭ na korani, a taksama iržyšča i pažniŭnych reštkaŭ na palach albo niepryniaćcie mier pa likvidacyi vypalvańniaŭ vinavatyja asoby pryciahvajucca da administracyjnaj adkaznaści ŭ vyhladzie štrafu ŭ pamiery ad 10 da 40 bazavych vieličyń (adna BV ciapier składaje 23 rubli).
Za raźviadzieńnie vohniščaŭ u zabaronienych miescach, za vyklučeńniem parušeńniaŭ patrabavańniaŭ pažarnaj biaśpieki, praduhledžana papiaredžańnie abo nakładańnie štrafu ŭ pamiery da 12 BV.
Akramia taho, niezakonnaje vypalvańnie suchoj raślinnaści, traŭ na korani, a taksama iržyšča i pažniŭnych reštkaŭ źjaŭlajecca faktam pryčynieńnia škody navakolnamu asiarodździu i praduhledžvaje hramadzianska-pravavuju adkaznaść.