Aktyvist Abjadnanaj hramadzianskaj partyi Alaksandar Kabanaŭ apynuŭsia 15 sakavika ŭ sudzie Biarozaŭskaha rajonu. Uviečary minułaha dnia a pałovie na dzieviatuju milicyjanty naviedalisia dadomu da aktyvista z metaj dapytać jaho ŭ spravie «maršu niedarmajedaŭ», što byŭ u Bieraści 5 sakavika. A ŭžo paśla 21 hadziny Kabanava zabrali ŭ RAUS, noč jon pravioŭ pad vartaj.
Siońnia ž paśla abiedu nad aktyvistam raspačałosia sudovaje pasiedžańnie.
Pavodle słovaŭ Kabanava, jon navat nie aznajamlaŭsia z pratakołam i nie viedaje, za što jaho buduć sudzić hetym razam. Aktyvist paviedamiŭ, što zapatrabavaŭ advakata. Sudździa vyniesła rašeńnie ab pieranosie pasiedžańnia na 12 hadzinu 21 sakavika.
Ciapier Alaksandar Kabanaŭ na voli.
0
0
0
0
0
0
