AAT «BPS-Śbierbank» ŭvodzić kamisiju za pahašeńnie kredytaŭ najaŭnymi, paviedamili ŭ pres-słužbie banka.
«Z 3 krasavika «BPS-Śbierbank» ŭvodzić kamisiju ŭ pamiery Br3 za kožnuju kvitancyju pa pahašeńni abaviazacielstvaŭ pa kredytnym dahavory (asnoŭny doŭh, pracenty, štrafy, pieni i inšyja) u kasach banka», — rastłumačyli ŭ banku.
Uznaharodžańnie nie budzie spahaniacca ŭ vypadkach poŭnaha daterminovaha pahašeńnia ŭsich abaviazacielstvaŭ pa kredytnaj damovie ŭ kasach banka, a taksama vykanańnia apieracyj z vykarystańniem apłatnaj kartki banka ŭ jaho pryładach samaabsłuhoŭvańnia (infakijosk, bankamat) albo z dapamohaj addalenych kanałaŭ absłuhoŭvańnia: Śbierbank Anłajn, Mabilny bank, SMS-bankinh, Aŭtamatyčnaja apłata. Akramia taho, kamisiju nie buduć spahaniać pry ździajśnieńni apieracyj z vykarystańniem apłatnaj kartki luboha inšaha banka na sajcie BPS-Śbierbanka ŭ raździele «Anłajn pahašeńnie kredytu», a taksama ŭ pryładach samaabsłuhoŭvańnia banka.
