Handbalistki zbornaj Biełarusi paśpiachova pačali vystupleńnie na mižnarodnym turniry ŭ polskim Hdańsku.

U startavym pajadynku padapiečnyja Tomaža Čatara zdoleli vyrvać pieramohu ŭ kamandy Polščy ź minimalnaj roźnicaj u liku - 24:23 (12:11).

Siońnia biełaruskija handbalistki sustrenucca z kamandaj Słavakii, jakaja ŭ pieršym tury abhulała zbornuju Ukrainy - 28:25 (12:11). U zaklučny dzień turniru, 19 sakavika, biełaruski zhulajuć z ukrainkami.

Handbalistki junijorskaj zbornaj Biełarusi (U-19) u Žłobinie pieramožna startavali ŭ adboračnym turniry čempijanatu Jeŭropy. U pieršym matčy 6-j kvalifikacyjnaj hrupy kamanda Aleny Husievaj razhramiła adnahodak z Hruzii - 34:24 (16:13). Siońnia biełaruski buduć sapierničać z handbalistkami Šviejcaryi, jakija napiaredadni zhulali ŭničyju z partuhalskaj kamandaj - 25:25. U trecim tury 19 sakavika zbornaja Biełarusi sustreniecca z Partuhalijaj. Z hetaha kvarteta pucioŭku ŭ finalnuju stadyju kantynientalnaha pieršynstva atrymaje tolki pieramožca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?