U biełaruskich sacsietkach źjaŭlajucca paviedamleńni ad supracoŭnikaŭ homielskaha małakazavoda, jaki naležyć AAT «Miłkavita». Ludzi skardziacca, što napiaredadni Dnia Voli im abviaścili pra subotnik, jaki projdzie jakraz 25-ha sakavika. Pryčym, pišuć rabotniki małakazavoda, tym, chto praihnaruje subotnik pahražajuć nie praciahnuć kantrakt.

Ale ž u administracyi «Miłkavity» kažuć, što subotnik — sprava dobraachvotnaja.

«Hety subotnik tradycyjny — syjšoŭ śnieh. Pravodziacca subotniki ŭ roznyja terminy.. Ale ž siońnia vy bačycie, jakoje nadvorje ŭstalavałasia: nastupiła rańniaja viasna. Śnieh syšoŭ, treba navodzić paradak, - patłumačyła «Našaj Nivie» Śviatłana Piaško, namieśnik dyrektara pa ideałahičnaj pracy. — I dziakujučy pracy našych supracoŭnikaŭ my pryvodzim usio ŭ paradak. Usio, što jość u nas — heta dziakujučy našym rabotnikam.

Prablemy na pracy, u tych chto nie pryjdzie? Heta chłuśnia! Chłuśnia! Heta śviadomaje i dobraachvotnaje prava rabotnika [prychodzić na subotnik]. Kali čałaviek prapuścić — nijakich nastupstvaŭ u dačynieńni da jaho nie budzie».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?