Ambasada ZŠA ŭ Minsku vystupiła z zajavaj z nahody zatrymańniaŭ padčas śviatkavańnia Dnia Voli ŭ Minsku.
«Złučanyja Štaty z hłybokaj zakłapočanaściu adznačajuć supraćdziejańnie ŭładaŭ Biełarusi praviadzieńniu mirnych akcyj z nahody Dnia voli, jaki adznačajecca štohod. Maštabnyja zatrymańni mirnych demanstrantaŭ, pravaabaroncaŭ i šerahu žurnalistaŭ iduć nasupierak demakratyčnym kaštoŭnaściam. Majucca paviedamleńni pra vykarystańnie siły suprać mirnych demanstrantaŭ i inšych asob», - havorycca ŭ zajavie.
«Nakolki nam viadoma, niekatoryja z zatrymanych vyzvalenyja. ZŠA buduć i dalej uvažliva sačyć za situacyjaj i zaklikajuć urad Biełarusi nieadkładna vyzvalić astatnich zatrymanych mirnych demanstrantaŭ, pravaabaroncaŭ i žurnalistaŭ, i zabiaśpiečyć prava hramadzian na praviadzieńnie mirnych schodaŭ i svabodu słova ŭ adpaviednaści ź jaho mižnarodnymi abaviazacielstvami» - zaznačajecca dalej u dakumiencie.
