Zajava pres-sakratara Słužby zamiežnaha dziejańnia Jeŭrapiejskaha Sajuza pa padziejach napiaredadni i padčas akcyj «Dzień Voli» ŭ Biełarusi
Jeŭrapiejski Sajuz uvažliva sočyć za reakcyjaj biełaruskich uładaŭ na niadaŭnija demanstracyi. U apošnija dni my nazirali štohadzinnyja paviedamleńni ab previentyŭnych aryštach i zatrymańniach pa roznych abvinavačvańniach. Žurnalisty zaznali pieraśled za aśviatleńnie akcyj. Takoje padaŭleńnie svabody słova i schodaŭ znachodzicca ŭ supiarečnaści z zajaŭlenaj palitykaj Biełarusi pa demakratyzacyi, a taksama mižnarodnymi zabaviazańniami krainy.
Jak pierad pačatkam, tak i padčas akcyj «Dzień Voli», a taksama nasupierak zaklikam da strymanaści ad mižnarodnaj supolnaści, reakcyja z boku słužbaŭ biaśpieki była biazładnaj i niedarečnaj. Na ofis Pravaabarončaha centra «Viasna» byŭ ździejśnieny napad. Zvyčajnyja hramadzianie byli zatrymanyja ŭ vialikaj kolkaści biez ujaŭnych pryčynaŭ. U suviazi z hetym, my nahadvajem, što prymianieńnie siły suprać mirnych demanstrantaŭ nie moža być apraŭdana ni pry jakich abstavinach.
Nieabchodna prytrymlivacca pavahi da asnoŭnych pravoŭ i svabodaŭ, u tym liku svabody słova, schodaŭ i asacyjacyj. Usie niadaŭna zatrymanyja mirnyja hramadzianie pavinny być nieadkładna vyzvalenyja.
Zachady, zroblenyja Biełaruśsiu ŭ kirunku pavahi da ŭsieahulnych asnoŭnych svabodaŭ, viaršenstva prava i pravoŭ čałavieka, buduć zastavacca klučavym faktaram pry farmiravańni adnosinaŭ Jeŭrapiejskaha Sajuza z hetaj krainaj.