U horadzie Biaroza na Bieraściejščynie kala 20 miascovych žycharoŭ vyjšli na płošču Lenina. Čatyroch čałaviek zatrymali milicyjanty.
Ab hetym Svabodzie raskazaŭ adzin z udzielnikaŭ akcyi, jakaja, faktyčna, i nie była akcyjaj, bo ludzi prosta stajali i razmaŭlali, nie trymajučy plakataŭ i nie vykrykvajučy lozunhaŭ:
«Padyšli milicyjanty, paprasili syści z płoščy, tamu što, pavodle niejkaj infarmacyi, jakaja da ich trapiła, tut źbirajecca niesankcyjanavany mitynh. My skazali, što ničoha nie parušajem, praciahvali stajać i razmaŭlać ź ludźmi. Praź niekatory čas iznoŭ padyšli milicyjanty i skazali, kab my prajšli ź imi «dla raźbirańnia». Čatyroch nas zavieźli ŭ milicyju».
Pratakołu na zatrymanych nie składali, skazaŭ surazmoŭca, pravieryli, ci niama jakich štrafaŭ dy adpuścili.
Paśla zatrymańniaŭ ludzi syšli z płoščy.
