Pradprymalnik Staś Karpaŭ zatrymany 26 sakavika ŭ Minsku za ŭdzieł u akcyi pratestu suprać parušeńniaŭ zakonnaści ŭ Biełarusi. Jość infarmacyja, što zatrymany taksama jahony brat Uładzisłaŭ.
Na pratest z patrabavańniem vyzvaleńnia palitviaźniaŭ na centralnuju płošču stalicy vyjšła kala sta čałaviek.
Niahledziačy na zatrymańni i akcyi zastrašvańnia, pratesty siońnia adbylisia taksama ŭ Oršy, Mahilovie, Mazyry, Viciebsku. Učora šeści pratestu sabrali sotni ludziej u Breście i Homieli. A ŭ Minsku 25 Sakavika ŭłady pajšli na biesprecedentnyja previentyŭnyja zachady. Kala tysiačy čałaviek było zatrymana, kab sarvać masavaje šeście za adstaŭku Alaksandra Łukašenki.
Staś Karpaŭ viadomy jak paet i publicyst. Voś jahony «zakryty list» ministru ŭnutranych spraŭ Šunieviču, jaki šyroka razyšoŭsia ŭ internecie.
U rodzie Karpavych była represavanaja savietami biełaruskaja piśmieńnica Jadźviha Biahanskaja, Karpavy brali dziejsny ŭdzieł u abaronie Kurapat u lutym.
Zakryty list Iharu Šunieviču: Vy upeŭnieny, što chočacie pieramahčy?
