Fota Arsienija Kočava, Jekaciarynburh.
26 sakavika va ŭsioj Rasii prachodziać akcyi suprać karupcyi. Farmalnaja padstava — adsutnaść reakcyi ŭładaŭ na rasśledavańnie Fondu baraćby z karupcyjaj ab dziejnaści premjer-ministra Dźmitryja Miadźviedzieva.
Mieduza: Mitinhi protiv korrupcii po vsiej Rośsii. Chronika
Akcyi prajšli ŭ dziasiatkach haradoŭ. U Krasnadary suprać manifiestantaŭ prymianili dymavyja šaški i zatrymali 100 čałaviek, u Machačkale —150.
U centralnaj častcy Rasii samyja šmatlikija akcyi prajšli ŭ Maskvie i Pieciarburzie.
U Maskvie akcyju nie sankcyjanavali. Demanstranty sabralisia na Puškinskaj płoščy i Ćviarskoj vulicy. Na ich kinuli śpiecnaz. Zatrymana da 700 čałaviek:
Zatrymany i natchnialnik akcyi, aŭtar rasśledavańniaŭ pra paplečnikaŭ Uładzimira Pucina Alaksiej Navalny.
Udzielniki akcyi, jakija išli pobač z Navalnym, zabłakavali palicejski aŭtobus, kudy źmiaścili palityka, i nie davali jamu vyjechać ź miesca zatrymańnia.
Navalny napisaŭ z aŭtazaka, što ź im usio dobra, i zaklikaŭ nie sprabavać vyzvalić jaho z mašyny. «Naša siońniašniaja tema — baraćba z karupcyjaj», — dadaŭ palityk.
Navalnaha pakinuli ŭ adździaleńni milicyi, na 27 pryznačany sud pa administratyŭnym artykule «Arhanizacyja masavaha adnačasovaha pierabyvańnia hramadzianaŭ» z sankcyjaj da 15 sutak aryštu.
Byŭ špitalizavany z čerapna-mazhavoj traŭmaj adzin palicejski. Pa hetym fakcie raspačataja kryminalnaja sprava.
U manifiestacyi na Puškinskaj płoščy ŭ Maskvie brała ŭdzieł da 20 000 čałaviek — rekord dla niesankcyjanavaha mitynhu ŭ rasijskaj stalicy.
Mitynh na Dvarcovaj płoščy ŭ Pieciarburhu.
U Pieciarburhu na Marsavym poli sabrałasia kala troch tysiač čałaviek. Manifiestacyja vyjšła na Nieŭski praśpiekt. Na praśpiekcie i ŭ rajonie płoščy Paŭstańnia pačalisia zatrymańni. Palicyja schapiła kala 130 čałaviek. Adnaho z demanstrantaŭ, jaki sprabavaŭ supraciŭlacca, udaryli elektrašokieram.
