Treci dzień svajaki i paplečniki Mikoły Statkieviča ničoha nie viedajuć pra miesca jahonaha znachodžańnia. Maryna Adamovič, žonka palityka, sprabavała vyśvietlić heta ŭ milicyi i KDB, ale marna. 27 sakavika jana źbirajecca padavać zajavu ab źniknieńni čałavieka.
Siońnia pradstaŭnik Kamiteta dziaržaŭnaj biaśpieki Dźmitry Pabiaržyn skazaŭ, što viedamstva nie maje nijakich źviestak pra toje, dzie ciapier moža być Statkievič.
Mikoła Statkievič uziaŭ na siabie adkaznaść za šeście na Dzień Voli i zaklikaŭ patrabavać na im adstaŭki Alaksandra Łukašenki.
Žonka Mikałaja Statkievič 25 Sakavika była zatrymanaja na vulicy Pietrusia Broŭki ŭ Minsku. Kaža, što suprać jaje nie prymianiali fizičnaj siły. «Uziali pad ruki i panieśli ŭ aŭtobus», — kaža spn.Maryna.
Fota svaboda.org.
«Mnie vielmi strašna, — kaža Maryna Adamovič. — U nas była damoŭlenaść, što Mikałaj adznačycca peŭnym čynam, ale hetaha zroblena nie było. Zastajecca jašče słabaja nadzieja, što heta było źviazana z adklučeńniem u mianie ŭsialakaj suviazi».
