Reuters.com
Jesientukski haradski sud zavočna aryštavaŭ eks-premjera Ukrainy Arsienija Jacaniuka, paviedamlajecca na sajcie suda.
«Pastanovaj suda ŭ dačynieńni da Jacaniuka zavočna abranaja miera strymańnia ŭ vyhladzie zaklučeńnia pad vartu, u suviazi z tym, što jon 21 lutaha 2017 hoda abvieščany ŭ mižnarodny vyšuk», - havorycca ŭ paviedamleńni.
Jacaniuku pradjaŭlenyja abvinavačvańni pa č. 2 art. 209 (udzieł va ŭzbrojenaj hrupie (bandzie), p.p. «v», «z», «n» art. 102 (naŭmysnaje zabojstva pry abciažarvajučych abstavinach) i č. 2 art. 15 (adkaznaść za padrychtoŭka da złačynstva i za zamach na złačynstva) KK Rasii.
Jacaniuk paviedamiŭ u Facebook, što atrymaŭ apaviaščeńnie ŭkrainskaha MZS ab zaviadzieńni suprać jaho kryminalnaj spravy ŭ Rasii. «Kreml šukaje jurydyčnyja miechanizmy pieraśledu ŭkrainskich palitykaŭ. U hetym scenary jość namier vyvieści temu «źvierstvaŭ Jacaniuka ŭ Čačni» na novy ŭzrovień dla šyrokaha śpiektru dalejšych dziejańniaŭ», - tak palityk prakamientavaŭ atrymańnie dakumienta.
Vosieńniu 2015 hoda kiraŭnik Śledčaha kamiteta Rasii Alaksandr Bastrykin u intervju «Rasijskaj haziecie» zajaŭlaŭ, što sa śniežnia 1994 hoda pa luty 1995 hoda Jacaniuk znachodziŭsia ŭ Čačni, dzie niby ŭvachodziŭ u skład karnych atradaŭ ŭkrainskaha nacyjanalista Alaksandra Muzyčki i ŭdzielničaŭ u bajavych dziejańniach suprać rasijskaj armii.
