Adzin ź lideraŭ Biełaruskaha nacyjanalnaha kanhresu Ŭładzimier Niaklajeŭ byŭ zatrymany ŭ Bieraści napiaredadni Dnia Voli, kali viartaŭsia ciahnikom z Varšavy.

U časie zatrymańnia palityku stała kiepska, jaho terminova špitalizavali. Siońnia kurs lekavańnia zaviaršyŭsia. Pa abiedzie Niaklajeŭ vypraviŭsia ŭ Miensk, dzie, jak skazaŭ, budzie dalečvacca.

Da hetaha Ŭładzimier Niaklajeŭ pry dapamozie pravaabaroncy Ramana Kiślaka padrychtavaŭ i napisaŭ skarhu ŭ prakuraturu z pryčyny «niezakonnaha vykradańnia».

Niaklajeŭ kaža, što na hety momant tak i nie zrazumieŭ, jaki ŭ jaho status: jamu nia vystaŭlena aficyjnaha abvinavačańnia, navat administracyjny pratakoł nie składaŭsia. Faktyčna jon volny.

Da taho ž apošnim časam u lakarni jaho nichto ŭžo nie achoŭvaŭ — adrozna ad pieršych dzion, kali byli prystaŭlenyja ludzi ŭ cyvilnym i milicyjanty ŭ formie.

Spadar Niaklajeŭ nie vyklučaje, što pieradusim była zadača neŭtralizavać jaho na 25 i 26 sakavika, kali ŭ Bieraści była zaplanavanaja akcyja — praktyčna pad voknami špitala. Prynamsi, kali jon pasprabavaŭ pakinuć pałatu, milicyjant spyniŭ — maŭlaŭ, nielha parušać režym medyčnaj ustanovy. Jak tolki mitynh zaviaršyŭsia, intares da apazycyjanera źnik.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?