27 sakavika na buravoj śvidravinie «Nadźvinskaja» kala vioski Vyšamir Rečyckaha rajona truba ŭpała na pamočnika burylščyka. Mužčyna atrymaŭ ciažkija traŭmy, paviedamlaje hazieta «Dniaproviec» sa spasyłkaj na Rečycki rajonny adździeł Śledčaha kamiteta.

dneprovec.by

dneprovec.by

Śledčyja raspaviali, što padčas ramontu śvidraviny z-za samaadvolnaha adkryćcia stvorki elevatara na pamočnika burylščyka ŭpała truba. U vyniku mužčyna atrymaŭ množnyja pierałomy kaniečnaściaŭ. Paciarpieły dastaŭleny ŭ traŭmatałahičnaje adździaleńnie rajonnaj balnicy, jaho stan aceńvajecca jak zdavalniajučy.

Pryčynu taho, što adbyłosia, treba budzie vyśvietlić. Pakul razhladajucca asnoŭnyja viersii — heta niaspraŭnaść abstalavańnia i parušeńnie techniki biaśpieki samimi rabotnikami.

Hazieta adznačaje, što ŭ biahučym hodzie heta treciaja traŭma ź ciažkim zychodam na vytvorčaści ŭ Rečyckim rajonie, adnak padrabiaznaści nie ŭdakładniajucca.

Клас
Панылы сорам
Ха-ха
Ого
Сумна
Абуральна