Da taho momantu, kali buduć vykananyja patrabavańni Polščy adnosna achovy dypłamatyčnych i konsulskich pradstaŭnictvaŭ, usie konsulstvy Polščy va Ukrainie buduć zakrytyja. Pra heta 29 sakavika paviedamiŭ MZS Polščy paśla sustrečy vice-kiraŭnika viedamstva Jana Dziedzičaka z pasłom Ukrainy ŭ Varšavie Andrejem Deščycam, piša Radyjo Polšča.

Konsulstva Polščy ŭ Łucku paśla abstrełu. Fota: PAP/EPA

Konsulstva Polščy ŭ Łucku paśla abstrełu. Fota: PAP/EPA

U noč z 28 na 29 sakavika było abstralanaje konsulstva Polščy ŭ Łucku. Snarad byŭ vypuščany z hranatamiota i trapiŭ u ścianu ŭ 20 santymietrach ad akna pamiaškańnia, u jakim spaŭ supracoŭnik konsulstva. Paškodžany fasad budynka, nichto nie paciarpieŭ. Konsuł Polščy ŭ Łucku Kšyštaf Savicki nazvaŭ incydent teraktam.

Padčas sustrečy vice-ministr Dziedzičak «zapatrabavaŭ ad ukrainskaha boku rašučych i nieadkładnych dziejańniaŭ z metaj vyjaŭleńnia i pakarańnia vinavatych, a taksama zabieśpiačeńnia efiektyŭnaj, kruhłasutačnaj achovy polskich dyppradstaŭnictvaŭ va Ukrainie».

«Polski bok padkreśliŭ, što, zhodna ź Vienskaj kanviencyjaj, prymajučaja kraina abaviazanaja prymianić usie nieabchodnyja srodki abarony dla papiaredžańnia napadaŭ jak na čynoŭnikaŭ konsulstvaŭ, tak i na miesca ich pracy», — adznačajecca ŭ zajavie MZS Polščy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?