Prezident Rasii Uładzimir Pucin nadzialiŭ Fiederalnuju słužbu achovy (FSA) pravam prymać rašeńni ab adabrańni ziamielnych učastkaŭ dla dziaržaŭnych patreb. Adpaviedny ŭkaz apublikavany na aficyjnym internet-partale pravavoj infarmacyi, paviedamlaje RBK.

Zhodna z ukazam, kanfiskavanyja ŭčastki mohuć vykarystoŭvacca dla budaŭnictva i rekanstrukcyi abjektaŭ fiederalnaha značeńnia, nieabchodnych dla pracy Fiederalnaj słužby achovy.

Viedamstva nakiravała Pucinu zapyt u žniŭni minułaha hoda, zajaviŭšy, što adabrańnie ziamiel moža spatrebicca dla zabieśpiačeńnia biaśpieki abjektaŭ dziaržaŭnaj achovy. Nieŭzabavie pra takija ž paŭnamoctvy paprasiła Fiederalnaja słužba biaśpieki.

Raniej słužba mahła tolki ažyćciaŭlać prava biesterminovaha karystańnia ŭčastkami. Adabrańnie učastkaŭ dla patreb FSA adbyvałasia ahulnym paradkam — praz pastanovu ŭrada Rasii.

Клас
Панылы сорам
Ха-ха
Ого
Сумна
Абуральна