Razhladajucca roznyja varyjanty pa źmienie kanstrukcyi tumbaŭ dla afiš, paviedamili ahienctvu «Minsk-Naviny» va UP «Minhardaviedka».
Fota Viačasłava Dašynieviča
«Pa daručeńni Minharvykankama prapracoŭvajucca roznyja varyjanty kanstrukcyi tumbaŭ dla afiš. My byli ŭ hałoŭnaha architektara horada, sumiesna z profilnymi instytutami i pradpryjemstvami raspracoŭvajem dyzajn i zajmajemsia vyrabam novaj kanstrukcyi tumby», — raspavioŭ dyrektar UP «Minhardaviedka» Barys Vasiljeŭ.
Pavodle jaho słoŭ, novaja tumba dla afiš pavinna zabiaśpiečvać zachavańnie rekłamnaj pradukcyi, być vyrablena z sučasnych materyjałaŭ, harmanična ŭpisvacca ŭ haradskoje asiarodździe i adpaviadać suśvietnym tendencyjam u śviecie rekłamy.
«Novyja rekłamnyja ŭstanoŭki źjaviacca spačatku na pr. Pieramožcaŭ, — paviedamiŭ Vasiljeŭ. — Heta adbudziecca ŭžo ŭ hetym hodzie».
Usiaho ŭ «Minhardaviedki» bolš za 400 rekłamnych ustanovak.
«Z hetaha hoda my źmianili padychody ŭ pracy z našymi zamoŭcami. Raspracavali i ŭviali ŭ ekspłuatacyju novy sajt «Minhardaviedki» z upieršyniu stvoranaj interaktyŭnaj kartaj raźmiaščeńnia našych rekłamnych ustanovak i ich fatahrafijami. Ciapier rekłamadaviec u režymie anłajn moža atrymać nieabchodnuju kartahrafičnuju i vizualnuju infarmacyju i zrabić zamovu na raźmiaščeńnie rekłamy praz sajt», — raspavioŭ Vasiljeŭ.
