U Łondanie adbyłosia pachavańnie brytanskaha muzykanta Džordža Majkła, jaki raptoŭna pamior u śniežni minułaha hoda va ŭzroście 53 hadoŭ, paviedamlaje VVS.
Reuters
Jaho siamja paviedamiła, što na pachavańni, jakoje adbyłosia praz try miesiacy paśla śmierci śpievaka, prysutničali tolki svajaki i blizkija siabry.
«My možam paćvierdzić, što pachavańnie śpievaka Džordža Majkła adbyłosia siońnia. Siamja i blizkija siabry sabralisia, kab raźvitacca ź lubimym synam, bratam i siabram na nievialikaj, zakrytaj cyrymonii», — havorycca ŭ zajavie siamji muzykanta.
Siamja Džordža Majkła padziakavała prychilnikam muzykanta za luboŭ i padtrymku.
