Mužčyny, jakija časta hladziać parnahrafiju, mienš ščaślivyja ŭ mižasobasnych adnosinach. Navukovaja praca ab hetym apublikavanaja ŭ časopisie Human Communication Research, koratka pra heta paviedamlaje Yahoo News.

Daśledčyki z roznych krain nie raz ładzili apytańni i navat ekśpierymienty, pryśviečanyja ŭpłyvu parnahrafii na žyćcio. Ciapier navukoŭcy z Havajaŭ praviali mietaanaliz: abahulnili vyniki 50 papiarednich daśledavańniaŭ. Ahułam jany sabrali dadzienyja ab 50 tysiačach čałaviek z 10 krain.

Navukoŭcy vydzielili dva pytańni: nakolki čałaviek zadavoleny svaimi adnosinami i nakolki jon zadavoleny saboj i svaim ciełam.

Pamiž unutranaj zadavolenaściu svaim ciełam i prahladam parnahrafii suviazi nie znajšłosia. Taksama daśledčyki nie zaŭvažyli značnaj karelacyi pamiž zadavolenaściu adnosinami i častym prahladam parnahrafii ŭ žančyn.

A voś u mužčyn suviaź vyjaviłasia. Čym čaściej dobraachvotniki hladzieli parnahrafiju, tym nižejšaj była ich zadavolenaść seksualnym žyćciom i asabistymi adnosinami. Suviaź prasočvałasia jak u vynikach apytańniaŭ, tak i ŭ ekśpierymientach niezaležna ad hoda daśledavańnia.

Клас
Панылы сорам
Ха-ха
Ого
Сумна
Абуральна