Sacsietka Facebook davoli aktyŭna adreahavała na rost papularnaści mabilnaha dadatka Snapchat, jaki śpiecyjalizujecca na mamientalnych fota i videazdymkach. Facebook pačaŭ dadavać novyja funkcyi, jakija źjaŭlajucca asnoŭnaj admietnaściu Snapchat.

Spačatku ŭ Instagram (naležyć Facebook) źjaviŭsia raździeł «Historyi Instagram», jaki dazvalaje składać niekalki fota ŭ karotkaje apaviadańnie. Faktyčna, mienavita hetaja funkcyja zrabiła Snapchat papularnym.

Ale z pačatku hetaha tydnia funkcyi, jakija jość u Snapchat, dastupnyja i ŭ samim Facebook.

1. Facebook Camera Effects (anałah Snapchat Filters) ujaŭlaje saboj nabor masak, interaktyŭnych filtraŭ i ramak, jakija možna dadavać da fotazdymkaŭ. Admietna toje, što novaja funkcyja stvorana na asnovie biełaruskaha siervisu MSQRD, jaki byŭ intehravany ŭ Facebook.

Vialikaja kolkaść zabaŭlalnych i lehkadumnych filtraŭ Snapchat zrabiła hety siervis papularnym siarod padletkaŭ, jakim padabajecca padobny vid znosin.

2. Facebook Direct (anałah Snapchat Snaps) dazvalaje dzialicca ź siabrami fotazdymkami i videa, jakija źnikajuć. Atrymalnik fota prahladaje jaho i piša svoj adkaz, paśla čaho aryhinalny fotazdymak źnikaje.

3. Facebook Stories (anałah Snapchat Stories) dazvalaje dadavać fota i videa, jakija źnikajuć praz 24 hadziny. Kampanija Facebook dadała hetuju funkcyju ŭ Instagram jašče letaś u žniŭni, a zaraz jana dastupnaja i ŭ stužcy Facebook.

Praź dzień paśla źjaŭleńnia novych funkcyj u Facebook stała viadoma, što akcyi Snapchat abvalilisia na 7%. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?