U Ašchabadzie prachodziać pieramovy pamiž prezidentam Turkmienistana Hurbanhuły Bierdymuchamiedavym i prezidentam Biełarusi Alaksandram Łukašenkam.

U Pałacavym kompleksie «Ahuzchan», paśla aficyjnaj cyrymonii sustrečy vysokaha hościa i pradstaŭleńnia členaŭ ŭradavych delehacyj dźviuch krain, turkmiena-biełaruskija pieramovy ŭ viarchach pačalisia z farmatu «sam-nasam», piša dziaržaŭnaje turkmienskaje ahienctva TDCH.

Siarod asnoŭnych tem — pierśpiektyvy handlova-ekanamičnaha ŭzajemadziejańnia, praca pa sumiesnych prajektach u halinie turyzmu, vyšejšaj adukacyi, kultury.

Čakajecca, što potym kiraŭniki dziaržaŭ voźmuć udzieł u cyrymonii adkryćcia novaha budynka pasolstva Respubliki Biełaruś u Turkmienistanie.

Na zaŭtra namiečana zdača ŭ ekspłuatacyju Harłykskaha horna-abahačalnaha kambinata, jaki turkmienski i biełaruski lidary zakłali ŭ kancy 2009 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0