Supracoŭniki kryminalnaha vyšuku na praciahu troch hadzin raskryli asabliva ciažkaje złačynstva, paviedamili karespandentu ahienctva «Minsk-Naviny» ŭ Frunzienskim RUUS.

— U milicyju patelefanavaŭ hramadzianin, kab paviedamić, što jaho z tavaryšam źbili dvoje małaznajomych mužčyn, razam ź jakimi pryjacieli napiaredadni viečaram raśpivali śpirtnoje. Ačuniaŭšy, adzin z paciarpiełych vyjaviŭ, što jaho tavaryš nie padaje prykmiet žyćcia. Miedrabotniki, jakija prybyli na miesca zdareńnia ŭ zav. Alšeŭskaha, kanstatavali śmierć mužčyny 1963 h. r., — raspavioŭ aficyjny pradstaŭnik Frunzienskaha RUUS Natalla Askirka.

U chodzie kompleksu apieratyŭna-vyšukovych mierapryjemstvaŭ byli zatrymanyja dva čałavieki: maładyja ludzi 19 i 26 hadoŭ, abodva nie pracujuć, raniej pryciahvalisia da kryminalnaj adkaznaści za rabavańnie i kradziažy. U dačynieńni da ich raspačata kryminalnaja sprava pa č. 2 art. 139 («Zabojstva») KK Respubliki Biełaruś.

Клас
0
Панылы сорам
0
Ха-ха
0
Ого
0
Сумна
0
Абуральна
0