U miesiendžary Telegram źjavilisia zvanki — ciapier karystalniki mohuć kamunikavać nie tolki zvyčajnymi i hałasavymi paviedamleńniami. Zvanki pracujuć i na iOS, i na Android. Pakul telefanavać mohuć tolki karystalniki ŭ Zachodniaj Jeŭropie, astatnija rehijony dadaducca paźniej.
U tielehramie možna naładzić, chto vam moža telefanavać: usio, nichto abo tolki abanienty sa śpisu kantaktaŭ, taksama možna vyklučyć asobnaha karystalnika.
Jak abiacajuć raspracoŭščyki, usie zvanki zašyfravanyja. Kab pierakanacca, što vy razmaŭlajecie mienavita z tym čałaviekam, kamu telefanujecie, dastatkova paraŭnać emodzi na ekranach.
***
Telegram dadaŭ zvanki adnym z apošnich miesiendžaraŭ. Telefanavać možna ŭ WhatsApp, Facebook Messenger, Skype i inšych dadatkach. U adroźnieńnie ad Telegram, u hetych servisach taksama dastupnyja videazvanki.
Telehramam karystajecca 100 miljonaŭ čałaviek u miesiac, WhatsApp i Facebook Messenger vykarystoŭvajuć pa miljardu čałaviek.
