Biełaruś i Rasija nie zmahli damovicca ab urehulavańni hazavaj sprečki pa vynikach pieramoŭ premjer-ministraŭ dźviuch krain. Pra heta zajaviŭ žurnalistam kiraŭnik Minenierha Alaksandr Novak pa vynikach hetych pieramoŭ, paviedamlaje TASS.

«Tolki što skončylisia pieramovy pa hazavym pytańni pamiž uradami Rasijskaj Fiederacyi i Biełarusi. Abmierkavali pazicyi bakoŭ, jašče raz źvieryli biahučuju situacyju. Na žal, nie damovilisia kančatkova ab urehulavańni kanfliktu», — skazaŭ ministr.

Pa jaho słovach, Biełaruś nie hatovaja pahasić doŭh za haz, na siońnia jon pieravyšaje $700 młn.

«Na žal, nie damovilisia kančatkova ab urehulavańni kanfliktu, u pieršuju čarhu, u vyniku taho, što biełaruski bok nie hatovy pahasić nazapašany doŭh biez pradastaŭleńnia rasijskim bokam prefierencyj jak pa canie, tak i pa terminach, miechaniźmie farmiravańnia ceny. Nahadaju, što na siońnia doŭh składaje bolš za $700 młn», — skazaŭ ministr.

Rasija adznačaje niedastatkova kanstruktyŭnuju pazicyju Minska pa hazavaj sprečcy, dadaŭ Novak.

«My adznačajem niedastatkova kanstruktyŭnuju pazicyju biełaruskaha boku. Tym nie mienš, pieramovy praciahvajucca. Nie my pačynali hety kanflikt, i my raźličvajem na toje, što pazicyja biełaruskaha boku budzie bolš kanstruktyŭnaj», — skazaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?