Antyterarystyčnaja apieracyja była praviedzienaja italjanskimi siłami pravaparadku hetaj ranicaj, pieradajuć infarmahienctvy.
Byli zatrymanyja padazravanyja adrazu ŭ troch haradach — Vieniecyi, Miestre i Treviza. Usie jany padazrajucca ŭ suviaziach z radykalnymi isłamisckimi hrupoŭkami i niadaŭna viarnulisia ź Siryi ŭ Italiju, dzie pražyvali lehalna.
Paviedamlajecca, što palicyja daŭno nazirała za zatrymanymi kasavarami, sačyła za ich reakcyjaj na terakty ŭ sacsietkach i adsočvała paviedamleńni. Pa słovach palicyi, rašeńnie ab zatrymańni było pryniataje paśla taho, jak stała vidavočnaj stanoŭčaja reakcyja padazravanych na terakt u Łondanie na minułym tydni.
Z traich zatrymanych adnamu jašče niama 18 hadoŭ. Jany pražyvali ŭ histaryčnaj častcy Vieniecyi i tam ža płanavali ździejśnić terakt, padarvaŭšy znakamity most Ryjalta. U damach zatrymanych pravodziacca pieratrusy, palicyja praviaraje ich suviazi ź ID i inšymi patencyjnymi terarystami.