Pavieličeńnie biaspošlinnych pastavak nafty z RF u Biełaruś pačniecca 13 krasavika tolki ŭ tym vypadku, kali Minsk dapłocić za pastaŭleny haz, zajaviŭ vice-premjer Rasii Arkadź Dvarkovič žurnalistam.

«U vypadku kali my atrymajem płaciož za haz za minuły pieryjad — tady tak, mohuć pačacca. Tolki ŭ hetym vypadku», — skazaŭ Dvarkovič u adkaz na pytańnie ab pavieličeńni pastavak nafty ŭ Biełaruś z 13 krasavika.

Nahadajem, napiaredadni vice-premjer Biełarusi Uładzimir Siamaška paviedamiŭ, što pastaŭki rasijskaj nafty ŭ Biełaruś adnoviać u raniejšych abjomach nie paźniej za 13 krasavika. A novaje pahadnieńnie pa nafcie, zhodna ź jakim Biełaruś budzie atrymlivać 24 młn ton u hod, budzie dziejničać da 2024 hoda ŭklučna.

Raniej Alaksandr Łukašenka i prezident Rasii Uładzimir Pucin zajavili ab tym, što naftahazavy kanflikt, jaki ŭźnik pamiž krainami paŭtara hady tamu, paśpiachova ŭłahodžany. Pa ich słovach, usie prablemy buduć vyrašany na praciahu 10 dzion.

Suma zapazyčanaści Minska pierad Maskvoj za haz składała na kaniec sakavika 726 młn dalaraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?