Syn prezidenta ZŠA Donalda Trampa Eryk paćvierdziŭ, što reakcyja jaho siastry Ivanki Tramp paŭpłyvała na rašeńnie baćki nanieści rakietny ŭdar pa Siryi. Pra heta Eryk Tramp raspavioŭ u intervju haziecie The Telegraph.
Pavodle jaho słoŭ, Ivanka była zabitaja horam i aburanaja žorstkaściu chimičnaj ataki ŭ Siryi. «Jana — maci traich dziaciej, i ŭ jaje jość ŭpłyŭ. Ja ŭpeŭnieny, jana skazała: «Pasłuchaj, heta žudasna». U takija momanty moj baćka budzie dziejničać. Ale jon usio abdumaŭ, jon praktyčny čałaviek, jaki nie impulsiŭny», - skazaŭ Eryk Tramp.
Jon taksama adznačyŭ, što padtrymlivaje dziejańni baćki ŭ Siryi i rady, što jon adkazaŭ mienavita takim čynam.
