Kampanija Apple płanuje ŭbudavać u nastupnuju madel svajho smartfona raźjom Smart Connector, jaki dazvolić padklučać da iPhone roznyja pryłady. Pra heta paviedamiła izrailskaje vydańnie The Verifier.
Čakajecca, što praz Smart Connector možna budzie padklučać pryłady virtualnaj ci dapoŭnienaj realnaści, navušniki i inšyja hadžety. Akramia taho, raźjom budzie vykarystoŭvacca dla biespravodnaj zaradki. Krynicy The Verifier paviedamlajuć, što Apple budzie vypuskać ułasnyja aksesuary virtualnaj realnaści.
Upieršyniu Smart Connector źjaviŭsia ŭ iPad Pro dla padklučeńnia biespravodnaj kłavijatury. Pra źjaŭleńnie hetaha raźjoma insajdary raspaviadali jašče pierad vychadam iPhone 7.
Raniej insajdary paviedamlali, što iPhone 8 atrymaje korpus z «vadkaha mietału». Heta śpiecyjalny spłaŭ z cyrkoniju, tytanu, miedzi i inšych elemientaŭ, jaki źniešnie nahadvaje škło. «Vadki mietał» mocny, tryvały i ŭstojlivy da karozii. Taksama spłaŭ moža samastojna «zalečvać» nievialikija drapiny.
Paviedamlali insajdary i pra toje, što iPhone 8 budzie mieć OLED-dyspłej zamiest vadkakryštaličnaha LCD-dyspłeja. OLED — technałohija na bazie arhaničnych śviatłodyjodaŭ, jakaja maje šerah pieravah pierad LCD. OLED-dyspłei lahčejšyja, majuć bolšyja vuhły ahladu, chutčejšy vodhuk i vysokuju kantrasnaść, ale jany mohuć zrabić novy iPhone 8 daražejšym.
