Prezident Rasii Uładzimir Pucin zajaviŭ, što jamu «sumna» čuć abvinavačvańni ŭ adras Rasii i Siryi ŭ suviazi z chimičnaj atakaj u siryjskim Idlibie, paviedamlaje VVS.

Reuters

Reuters

«Ja ŭzhadvaju ŭ hetaj suviazi našych vydatnych piśmieńnikaŭ Ilfa i Piatrova. Chočacca skazać: «Sumna, dziaŭčaty — heta my ŭžo ŭsio bačyli, nazirali», — skazaŭ Pucin.

Pa jaho słovach, situacyja z chimičnaj atakaj u Siryi nahadvaje padziei 2003 hoda, kali ZŠA pačali vajennuju kampaniju ŭ Iraku.

«Heta mnie mocna nahadvaje padziei 2003 hoda, kali pradstaŭniki Złučanych Štataŭ u Radzie Biaśpieki pakazvali nibyta chimičnuju zbroju, znojdzienuju ŭ Iraku. Paśla hetaha pačałasia kampanija ŭ Iraku, vajennaja, a skončyłasia jana razbureńniem krainy, rostam terarystyčnaj pahrozy i źjaŭleńniem ID na mižnarodnaj scenie», — skazaŭ rasijski prezident pa vynikach pieramovaŭ z prezidentam Italii Sierdžo Matarełam.

Pavodle jaho słoŭ, u Rasii taksama jość danyja pra padrychtoŭku pravakacyj suprać ciapierašnich uładaŭ Siryi.

«U nas jość infarmacyja ad roznych krynic, što padobnyja pravakacyi — a ja pa-inšamu ich nazvać nie mahu, — rychtujucca i ŭ inšych rehijonach Siryi, u tym liku paŭdniovych pryharadach Damaska, dzie źbirajucca padkinuć niejkaje rečyva i abvinavacić siryjskija aficyjnyja ŭłady», — dadaŭ jon.

Pavodle jaho słoŭ, Rasija płanuje źviarnucca ŭ mižnarodnyja struktury z metaj damahčysia rasśledavańnia taho, ci była vykarystanaja chimičnaja zbroja, i kali była, to jakim bokam.

«My źbirajemsia aficyjna źviarnucca ŭ adpaviednuju aanaŭskuju strukturu ŭ Haazie i zaklikać mižnarodnuju supolnaść staranna rasśledavać hetyja prajavy», — skazaŭ Pucin.

Raniej dziaržsakratar ZŠA Reks Tylersan zajaviŭ, što Rasija nie zmahła praduchilić chimičnuju ataku ŭ Siryi, jakaja zabrała žyćci 89 čałaviek na minułym tydni. U aŭtorak Tylersan prybyvaje ŭ Maskvu dla sustreč z rasijskim kiraŭnictvam. Adnak, jak paviedamiŭ pres-sakratar rasijskaha lidara Dźmitryj Piaskoŭ, u hrafiku Pucina sustrečy z Tylersanam niama.


Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?