Na Nacyjanalnym pravavym partale 14 krasavika była apublikavanaja pastanova №21 Ministerstva adukacyi ad 16 sakavika 2017, zhodna ź jakoj byŭ zaćvierdžany śpis piedahahičnych śpiecyjalnaściaŭ, pry pastuplenni na jakija asoby zaličvajucca va ŭstanovy vyšejšaj adukacyi biez ustupnych vyprabavańniaŭ.

H.zn. ciapier dla taho, kab pastupić na peŭnyja śpiecyjalnaści ŭ pieduniviersitety, budzie dastatkova dypłomu ab atrymańni ahulnaj siaredniaj adukacyi.

Takim čynam zmohuć pastupać tolki tyja vypuskniki, jakija navučalisia ŭ profilnych kłasach (hrupach) piedahahičnaha nakirunku. 

Ale nie ŭsio tak prosta, jak padajecca na pieršy pohlad. Dla pastupleńnia ŭ dakumiencie ab adukacyi pavinny być:

  • adznaki nie nižej za 7 (siem) bałaŭ pa ŭsich vučebnych pradmietach
  • adznaki nie nižej za 8 (vosiem) bałaŭ pa vučebnych pradmietach, adpaviednych pradmietach profilnych ustupnych vyprabavańniaŭ (pry najaŭnaści rekamiendacyi piedahahičnaha savieta ŭstanovy adukacyi, jakuju jany skončyli, i pa vynikach hutarki, jakaja pravodzicca ŭstanovaj vyšejšaj adukacyi Respubliki Biełaruś u paradku, što ŭstanaŭlivajecca Ministerstvam adukacyi Respubliki Biełaruś)

Studenty, jakija pastupiać takim čynam, buduć vučycca na biudžetnaj formie navučańnia, ale abaviazanyja pracavać pa raźmierkavańni nie mienš za piać hod paśla skančeńnia ŭniviersiteta.

Aznajomicca ź pieralikam śpiecyjalnaściaŭ, na jakija možna budzie pastupać biez ustupnych vyprabavańniaŭ, možna tut.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?