Milicyja sprabavała sarvać sustreču Maskima Viniarskaha z paplečnikami, adviozšy jaho ŭ Maskoŭski RUUS Miensku. Ale jon sam viarnuŭsia da turemnaj bramy.

Maksima Viniarskaha, kaardynatara hramadzianskaj kampanii «Eŭrapiejskaja Biełaruś», svajaki, adnadumcy i žurnalisty čakali a 15-j hadzinie. Ale ŭ pryznačany čas aktyvist na volu nia vyjšaŭ.

Chutka stała viadoma, što ź izalatara jaho advieźli ŭ RUUS Maskoŭskaha rajonu Miensku. Ale jon viarnuŭsia da turmy na Akreścina i ŭsio ž sustreŭsia tam sa svajakami i paplečnikami. Zapeŭniŭ, što ŭsio ŭ jaho ŭ paradku, nastroj zachavaŭ badziory, plany na budučyniu mianiać nie źbirajecca.

«Hałoŭnaje, kab usio ŭrešcie było dobra ŭ našaj krainie», — padsumavaŭ aktyvist.

27 sakavika sud Pieršamajskaha rajonu stalicy pakaraŭ aktyvista 8 sutkami administracyjnaha aryštu za «drobnaje chulihanstva i niepadparadkavańnie supracoŭnikam milicyi» padčas akcyi na Dzień Voli. Ale ŭžo padčas adbyćcia terminu jon atrymaŭ jašče 10 sutak dadatkova — hetym razam jaho asudzili za abaronu Kurapataŭ.

Zaŭtra na volu maje vyjści apošni viazień, aryštavany za adznačeńnie Dnia Voli ŭ Miensku — Leanid Kułakoŭ. Jaho pakarali najbolšym aryštam — na 25 sutak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?