Pradstaŭniki Biełarusi na «Jeŭrabačańni-2017» Naviband dali pres-kanfierencyju ŭ redakcyi «Kamsamolskaj praŭdy» va Ukrainie. Padčas jak Ksienija Žuk i Arciom Łukjanienka raspaviali padrabiaznaści numara, ź jakim źjaviacca na scenie konkursa ŭ Kijevie. 

Naviband ź viadučym «Jeŭrabačańnia-2017» Cimuram Mirašničenkam i promamieniedžaram Siarhiejem Andryjanavym.

Naviband ź viadučym «Jeŭrabačańnia-2017» Cimuram Mirašničenkam i promamieniedžaram Siarhiejem Andryjanavym.

Pa słovach muzykaŭ, padrychtoŭkaj numara zajmajecca ŭkrainskaja kamanda prafiesijanałaŭ, jakaja rychtavała da vystupu Złatu Ohnievič i Džamału. Heta chareohraf Taćciana Astravierch, stylist Džamały Dźmitryj Kurata, a taksama režysiorskaja hrupa. Budavacca numar budzie vakoł palotu, što, na dumku ŭdzielnikaŭ hurta, adpaviadaje ich pieśni. Na scenie Ksiuša i Arciom buduć udvoch (biez bendu), ale razam z čatyrma bek-vakalistami (trya «Bieatrys» i Michaił Sasunoŭ).

«Nam padabajecca miedyja-prastora Ukrainy, jak raźvivajucca muzyki, jakija materyjały vychodziać, tamu my i vyrašyli rychtavać numar u Kijevie», — kažuć muzyki.

Repietycyi dueta adbyvajucca ŭ Kijevie, kudy im davodzicca časta latać. U Minsku Ksiuša i Arciom naviedvajuć uroki vakału ŭ Volhi Drazdovaj. Usie vydatki ŭdziełu hurta na konkursie ŭziała na siabie Biełteleradyjokampanija. Promamieniedžar hurta — Siarhiej Andryjanaŭ.

Naviband vystupiać u druhim paŭfinale «Jeŭrabačańnia» 11 traŭnia pad numaram 15.

23 krasavika muzyki syhrajuć akustyčny kancert u minskim Pałacy prafsajuzaŭ, jaki stanie «provadami» Naviband na konkurs u Kijeŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?