Biełaruś u krasaviku całkam pahasiła zapazyčanaść za pryrodny haz, ale heta nie pryviadzie da źnižeńnia zołatavalutnych reziervaŭ krainy. Pra heta žurnalistam 19 krasavika zajaviŭ pieršy namieśnik staršyni praŭleńnia Nacbanka Taras Nadolny.
Pradstaŭnik Nacbanka paćvierdziŭ, što ŭ krasaviku Biełaruś pahasiła zapazyčanaść u 726,2 miljona dalaraŭ za rasijski haz. Doŭh byŭ pahašany častkova za košt zołata-valutnych reziervaŭ, častkova — ź biahučaj likvidnaści, jaki nie adnosicca da ZVR.
«Ale my hetyja vydatki kampiensujem. U Nacbanka jość rozny instrumientar, u pryvatnaści ablihacyi, kab kampiensavać hety adtok», — adznačyŭ Nadolny.
Pa dadzienych na 1 sakavika 2017 hoda zołatavalutnyja reziervy Biełarusi ŭ mižnarodnym vyznačeńni składali 5,022 młrd dalaraŭ u ekvivalencie.
