Sud Kastryčnickaha rajona Hrodna vynies rašeńnie pa spravie ab apublikavanym na zakrytym sajcie znajomstvaŭ dla homaseksuałaŭ intymnaha sełfi. Hrodzienca prysudzili da dvuch hadoŭ pazbaŭleńnia voli z adterminoŭkaj prysudu na hod. Akramia taho, mužčynie daviadziecca 60 hadzin vykonvać hramadska karysnyja pracy. Sudovy prysud 47-hadovy hrodzieniec nie abskardžvaŭ.

— Nie baču sensu, — kaža Aleh i dadaje, što byŭ ździŭleny, kali pračytaŭ tekst prysudu, - kali ŭ pačatku było napisana pravilna — raźmiaściŭ sełfi na śpiecyjalizavanym sajcie, to praź niekalki abzacaŭ, pavodle materyjałaŭ spravy, ja nibyta raźmiaščaŭ svaju fatahrafiju ŭ sietcy «Ukantakcie», choć akaŭnta tam u mianie nie było. Atrymlivajecca, što dla suda i śledčych orhanaŭ niama nijakaj roźnicy, dzie i kali byli raźmieščanyja fatahrafii.

Nahadajem, hrodzieniec dva hady tamu raźmiaściŭ svaju ankietu na śpiecyjalnym zakrytym sajcie znajomstvaŭ dla homaseksuałaŭ. Siarod inšych fatahrafij byli i dźvie pikantnyja karcinki. Śpiecyfika sajta takaja, što hetyja eratyčnyja sełfi mohuć bačyć tolki zarehistravanyja karystalniki. Na sajcie jość papiaredžańni ab tym, što tam źmiaščajecca eratyčny kantent i ŭvachod stroha paśla paŭnalećcia.

U kancy studzienia 2017 hoda dadomu da mužčyny pryjšli pravaachoŭniki ź pieratrusam. Kanfiskavali kampjutar i telefon. Praz dva dni pa fakcie raźmiaščeńnia ŭ internecie pikantnych fatahrafij była zaviedziena kryminalnaja sprava.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?