Łarysa Kronbierh. Kadr ź filma «Vialikaja siamja»

Łarysa Kronbierh. Kadr ź filma «Vialikaja siamja»

U 1955 hodzie razam ź inšymi aktorami filma «Vialikaja siamja», jana udastoiłasia ŭznaharody Kanskaha kinafiestyvalu, a paśla źniałasia ŭ niekalkich viadomych filmach, u tym liku «Dziaŭčyna z hitaraj», «Viartańnie Budułaja».

Ale hałoŭnaj rolaj Łarysy Kronbierh staŭ udzieł u apieracyi pa viarboŭcy francuzskaha pasła Marysa Dežana savieckimi śpiecsłužbami, za jakuju jana atrymała ŭznaharodu ad KDB — šviejcarski załaty hadzińnik z bryljantami.

Jak raspavioŭ «Kamsomolskaj praŭdzie» były supracoŭnik KDB SSSR, aŭtar knih pa historyi raźviedki Ihar Atamanienka, padčas intymnaj sustrečy Dežana z Kronbierh ŭ kvateru raptam uvarvaŭsia «muž» apošniaj, jaki zładziŭ hrandyjozny skandał i navat pabiŭ dypłamata, jaki, sprabujučy zamiać spravu, pajšoŭ na kantakt z savieckimi śpiecsłužbami.

U vyniku Dežan staŭ ahientam upłyvu KDB na prezidenta Francyi Šarla de Hola, ź jakim pasła źviazvała daŭniaje siabroŭstva.

U 1964 hodu infarmacyja pra viarboŭku Dežana dajšła da zachodnich śpiecsłužbaŭ, paśla čaho jaho dypłamatyčnaja karjera skončyłasia, adnak u turmu siabar de Hola nie trapiŭ. Na praciahu amal 20 hadoŭ jon zajmaŭ kirujučuju pasadu ŭ abjadnańni franka-savieckaj družby i pamior ŭ 1982 hodzie va ŭzroście 82 hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?