Prezident ZŠA Donald Tramp u pačatku svajho pieršaha prezidenckaha vizitu ŭ Izrail zajaviŭ, što ŭ blizkaŭschodnich lidaraŭ źjaviłasia «redkaja mahčymaść» stabilizavać rehijon.
Tramp padčas vizitu praviadzie pieramovy z premjeram Izraila Bińjaminam Nietańjachu i z paleścinskim lidaram Machmudam Abasam.
«Padčas majho pieršaha zamiežnaha vizitu ŭ jakaści prezidenta ja stupiŭ na hetuju staražytnuju i śviatuju ziamlu, kab umacavać nieparyŭnuju suviaź pamiž Złučanymi Štatami Amieryki i dziaržavaj Izrail», — zajaviŭ Tramp, spuściŭšysia z prezidenckaha samalota ŭ aeraporcie Tel-Aviva, dzie jaho sustreŭ izrailski premjer.
«Pierad nami redkaja mahčymaść prynieści biaśpieku i stabilnaść ludziam hetaha rehijonu, pieramahčy teraryzm i stvaryć budučyniu, poŭnuju harmonii, roskvitu i ščaścia. Ale my možam dasiahnuć hetaha, tolki kali budziem pracavać razam. Inšaha šlachu niama», — zajaviŭ amierykanski prezident.
Bińjamin Nietańjachu ŭ svajoj vitalnaj pramovie taksama vykazaŭ nadzieju, što vizit Trampa stanie pačatkam «šlachu da prymireńnia» u rehijonie.
Vizit Trampa ŭ Izrail - častka jaho pieršaha zamiežnaha turne ŭ jakaści prezidenta ZŠA.
