Hetaj vosieńniu ŭkrainskija deputaty źbirajucca padrychtavać zakonaprajekt ab svabodnym našeńni zbroi. Takuju zajavu ŭ efiry miascovaha «Piataha kanała» zrabiŭ kiraŭnik parłamienckaha kamiteta pa pytańniach nacyjanalnaj biaśpieki i abarony Siarhiej Pašynski.
«Maja pazicyja dosyć vyraznaja. Ja viedaju, što maje kalehi ciapier pišuć adpaviedny zakonaprajekt, i ja hatovy jaho padpisać», - skazaŭ palityk.
Pavodle jaho słoŭ, pierš za ŭsio «nieabchodna vyznačyć tyja katehoryi hramadzian, jakim možna nie bajacca davać karotkastvolnuju zbroju». Pieršymi takoje prava atrymajuć tyja, chto biez zaŭvah adsłužyŭ u vojsku, Nacyjanalnaj palicyi i SBU. U pierśpiektyvie hety śpis źbirajucca pašyryć.
Pytańnie ab nieabchodnaści ŭrehulavańnia situacyi na rynku zbroi va Ukrainie było ŭźniataje paśla zamachu na bajca ATA Adama Asmajeva, jakoha vyratavała ŭznaharodnaja zbroja, vydadzienaja jaho žoncy Aminie, piša vydańnie fakty.ua.
Partał «Novy čas» taksama paviedamlaje, što deputat Siarhiej Pašynski 31 śniežnia minułaha hoda sam prastreliŭ nahu pjanamu mužčynu, jaki napaŭ na jaho. Pry hetym padazravany zajaviŭ, što deputat pieršy dastaŭ zbroju.
