Za apošnija try hady heta ŭžo treciaje ahulnanacyjanalnaje hałasavańnie ŭ Brytanii: papiarednija parłamienckija vybary adbylisia ŭ 2015 hodzie, a letam 2016 hoda ŭ krainie prajšoŭ refierendum ab členstvie Brytanii ŭ ES.

Hałoŭnyja temy červieńskich usieahulnych vybaraŭ u Brytanii — «breksit» i sacyjalna-ekanamičnaja palityka.

Ab praviadzieńni pazačarhovych vybaraŭ u nižniuju pałatu parłamienta ŭ krasaviku abviaściła premjer-ministr Tereza Mej. Jana patłumačyła daterminovyja vybary imknieńniem da stabilnaści ŭ situacyi, kali kraina pačała pieramovy ab vychadzie ź Jeŭrapiejskaha sajuza.

Hałoŭnymi pretendentami na 650 miescaŭ u Pałacie abščyn (nižniaja pałata parłamienta) źjaŭlajucca pradstaŭniki kansiervataraŭ, lejbarystaŭ, libierał-demakrataŭ, Partyi niezaležnaści Złučanaha Karaleŭstva i Partyi niezaležnaści Šatłandyi (najbujniejšaja frakcyja paśla kansiervataraŭ i lejbarystaŭ). Taksama ŭ vybarach udzielničajuć Zialonyja, Valijskaja «Płajd Kamry» («Partyja Uelsa») i čatyry paŭnočnairłandskija partyi: Demakratyčnaja junijanisckaja, Sacyjał-demakratyčnaja lejbarysckaja, junijanisckaja partyja Olstera i Šyn Fiejn.

Sistema vybaraŭ u Brytanii — vyklučna mažarytarnaja, h.zn. usie členy Pałaty abščyn abirajucca ŭ adnamandatnych akruhach, pryčym u adzin tur.

Клас
0
Панылы сорам
0
Ха-ха
0
Ого
0
Сумна
0
Абуральна
0