Uładalnik aŭtamabila, 58-hadovy Dejv Kłark (ZŠA) spačatku zajaŭlaŭ, što avaryja adbyłasia paśla taho, jak jon aktyvavaŭ aŭtapiłot. Paśla hetaha Tesla 2016 hoda vypusku rezka paskoryłasia, źjechała z darohi ŭ bałota i pierakuliłasia. U hety momant u mašynie znachodziŭsia sam Kłark i čaćviora pasažyraŭ. Usie jany atrymali lohkija traŭmy.

Pradstaŭniki Tesla paviedamili, što nie vyśvietlili, ci była ŭ momant avaryi aktyvavanaja funkcyja aŭtapiłota transpartnaha srodku:

«Niama padstavaŭ mierkavać, što aŭtapiłot, jaki źnižaje avaryjnaść na 40%, pracavaŭ ź niepaładkami».

Paźniej kiraŭnik Tesla Iłan Mask apublikavaŭ u svaim tvitary list kiroŭcy, u jakim toj udakładniaje, što nie abvinavačvaje funkcyju aŭtapiłota abo kampaniju ŭ tym, što zdaryłasia DTZ:

«Nakolki ja pamiataju, ja vykarystaŭ sistemu aŭtapiłota, ale paźniej adklučyŭ jaje, nacisnuŭšy na piedal hazu. Zatym ubačyŭ rezki pavarot naleva, da jakoha ja imčaŭsia. Ja ŭpeŭnieny, što pačaŭ uvachodzić u pavarot, adnak zatym adčuŭ, što mašyna syšła z darohi i my pačali jechać pa žviry. U mianie było adčuvańnie, što ja straciŭ kiravańnie aŭtamabilem. Nastupnaje, što ja pamiataju - vysokaja trava, jakaja bje pa łabavym škle, i my jedziem pad vuhłom u kanavu. A paśla mašyna pieraviarnułasia na pravy bok, i my apynulisia dahary nahami».

Mahčyma, mienavita z-za incydentu da kanca handlovaj siesii akcyi kampanii zhubili 2,5% i stali kaštavać $319,57. Niahledziačy na heta, nazirajecca ahulnaja tendencyja da rostu kaštoŭnych papier Tesla. Tak, sioleta akcyi vyraśli na 49% praz čakany vypusk Tesla Model 3. 

Čytajcie taksama: Iłan Mask pakazaŭ pieršuju Tesla Model 3

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?