Ministr abarony Andrej Raŭkoŭ dasłaŭ adkaz deputatu Hańnie Kanapackaj z nahody mahčymaści pieranosu vajennaha paradu za miežy Minska. U viedamstvie ličać praviadzieńnie paradaŭ niepasredna ŭ stalicy «palityčna abhruntavanym, adpaviadajučym ahulnamu nastroju naroda i ekanamična metazhodnym», piša Tut.by.

fota Siarhieja Hudzilina

fota Siarhieja Hudzilina

Deputat Pałaty pradstaŭnikoŭ Hanna Kanapackaja atrymała adkaz ź Ministerstva abarony na zvarot z nahody pieranosu paradaŭ z udziełam vajennaj techniki za miežy stalicy.

— Pa sutnaści ŭ adkazie ministra abarony tolki pieršy abzac, — napisała jana na svajoj staroncy ŭ fejsbuku. — Na dźviuch staronkach pavažany ministr tłumačyć mnie važnaść paradaŭ, ich značnaść, tradycyi praviadzieńnia ŭ inšych krainach i inš. Ale ja ž pra heta nie pytałasia, a ŭnosiła całkam kankretnuju i abhruntavanuju prapanovu! Ja nie suprać paradaŭ u haradach, ale suprać vykarystańnia vajennaj techniki na vulicach haradoŭ. Tym bolš, kali na repietycyi zdarajucca surjoznyja incydenty, i tank znosić drevy i słupy. A kali zaŭtra, na paradzie, hety tank zajedzie ŭ trybunu z hledačami abo prezidentam?

U adkazie, jaki deputat vykłała ŭ sacyjalnaj sietcy, ministr abarony padkreślivaje, što «praviadzieńnie vajennaha paradu hraje važnuju rolu ŭ vychavańni pačućcia honaru za prynaležnaść da bajavoj słavy krainy i demanstruje bajavuju moc Uzbrojenych Sił Respubliki Biełaruś jak haranta miru na biełaruskaj ziamli».

Andrej Raŭkoŭ tłumačyć, što rašeńnie ab metazhodnaści, miescy, času i farmacie praviadzieńnia parada prymaje prezident krainy. I nahadvaje, što takaja tradycyja jość u mnohich krainach. Sioleta, naprykład, parady prachodzili ŭ Talinie, Maskvie i Ńju-Deli. Tradycyjna ich pravodziać u Francyi, Polščy, Turkmienii, Kyrhyzstanie, KNR, Ukrainie, Rasii.

U viedamstvie ličać, što pieranos paradu vykliča niehatyŭnuju reakcyju z boku vieteranaŭ VAV i hramadzian krainy, «pieravažnaja bolšaść jakich nastrojenyja patryjatyčna i padtrymlivajuć tradycyju praviadzieńnia vajennych paradaŭ u Biełarusi». Ministar pryvioŭ danyja ab tym, što sioleta parad hladzieła bolš za 250 tysiač čałaviek (nie ličačy hledačoŭ teletranślacyi).

Pieranos, pa słovach ministra, pryviadzie da pavieličeńnia vydatkaŭ na padrychtoŭku, źnižeńnia vidoviščnaści i emacyjnaha efiektu z pryčyny niazručnaściaŭ, źviazanych z dastaŭkaj ludziej.

Ministerstva abarony nahadała, što ažyćciaŭlaje kompleks mier pa źnižeńni niazručnaściaŭ u suviazi z časovymi źmienami ŭ arhanizacyi ruchu ŭ horadzie.

U cełym ža viedamstva ličyć praviadzieńnie paradaŭ niepasredna ŭ stalicy «palityčna abhruntavanym, adpaviadajučym ahulnamu nastroju naroda i ekanamična metazhodnym».

Nahadajem, sioleta ŭ internecie stvaryli pietycyju suprać praviadzieńnia ŭ Minsku vajennych paradaŭ, a taksama za pieraniasieńnie ich za horad. Heta adbyłosia paśla taho, jak padčas repietycyi paradu tank źnios dreva i ŭrezaŭsia ŭ słup.

Клас
Панылы сорам
Ха-ха
Ого
Сумна
Абуральна