Alfa-Bank adkryŭ u Baranavičach pieršy ŭ Biełarusi finansavy supiermarkiet, paviedamili BIEŁTA ŭ kamunikacyjnym ahienctvie AHT.

U adroźnieńnie ad zvyčajnaha bankaŭskaha adździaleńnia, mnohija pracesy ŭ finansavym supiermarkiecie aŭtamatyzavanyja. «Farmat finansavaha supiermarkieta ciapier vielmi papularny. Jon dazvalaje spraścić uzajemadziejańnie z bankam, robić jaho nienadakučlivym i zrazumiełym», — rastłumačyli ŭ Alfa-Banku.

U novym adździaleńni pradstaŭlenyja najbolš papularnyja bankaŭskija pasłuhi: zamova kartki, adkryćcio ŭkładaŭ, atrymańnie kredytu. Dla naviedvalnikaŭ kruhłasutačna dziejničaje zona samaabsłuhoŭvańnia ź piersanalnym dostupam — adkryć dźviery možna tolki elektronnym klučom. Za imi znachodziacca bankamat z tryma valutami i terminał pa pryjomie najaŭnych.

Akramia taho, u finansavym supiermarkiecie dziejničaje pieršy ŭ Biełarusi kartačny trade-in: naŭzamien užyvanaj karty luboha banka tut vydajuć novy «płastyk», ale z bolš vysokim statusam. Atrymać jaho možna ŭ adnoj z troch valut (biełaruskija rubli, dalary ci jeŭra) i ź biaspłatnym trochhadovym pieryjadam, na praciahu jakoha nie budzie spahaniacca kamisija za karystańnie. Takaja mahčymaść dziejničaje dla klijentaŭ luboha banka.

Farmat finansavaha supiermarkieta zaradziŭsia ŭ ZŠA, paśla čaho zdabyŭ papularnaść u jeŭrapiejskich i azijackich krainach. Jaho adroźnivajuć krokavaja dastupnaść, vysoki ŭzrovień aŭtamatyzacyi, prymianieńnie pryncypu samaabsłuhoŭvańnia i šyroki vybar papularnych rašeńniaŭ dla nasielnictva. U takich adździaleńniach bolšaść zadač možna vyrašyć z dapamohaj terminałaŭ i infakijoskaŭ, a śpiecyjalisty vykonvajuć u pieršuju čarhu funkcyju kansultanta.

Клас
0
Панылы сорам
0
Ха-ха
0
Ого
0
Сумна
0
Абуральна
0