Jeŭrapiejski humanitarny ŭniviersitet u Vilni stanovicca bližej! U ramkach dadatkovaha naboru va ŭniviersitet my padrychtavali admysłovy materyjał, pryśviečany temam i pytańniam navučańnia ŭ EHU. Ciapier vy, nie vychodziačy z domu ci ofisa, majecie mahčymaść daviedacca, što na samaj spravie vyvučajecca ŭ ścienach adzinaha biełaruskaha ŭniviersiteta ŭ Jeŭrapiejskim Sajuzie.

Što? Kulturnyja daśledavańni, urbanistyka i hiendar

Dzie vyvučać?

Na mahistarskaj prahramie «Kulturnyja daśledavańni». Prahrama maje try sučasnyja śpiecyjalizacyi: «kulturnyja daśledavańni», «krytyčnyja haradskija daśledavańni», «hiendarnyja daśledavańni». Abituryjenty pastupajuć na adnu prahramu, a dalej vybirajuć svaju śpiecyjalizacyju. Paśla zakančeńnia navučańnia im prysvojvajecca stupień mahistra sacyjałohii.

Što ja budu vyvučać na samaj spravie?

Teoryju kino i analiz filma, siemijotyku, tradycyi sacyjałahičnaj dumki, teoryju vizualnych i kulturnych daśledavańniaŭ, hiendarnuju teoryju, dakumientalny kiniematohraf, krytyčny ŭrbanizm, ličbavaje kartahrafavańnie, histaryčnuju haradskuju antrapałohiju, sacyjałohiju emocyj da inšyja kursy.

Vy možacie prasłuchać videa lekcyju prafiesara Almiry Ucmanavaj «Terytoryja vobrazaŭ: nie/nahladny dapamožnik pa vyvučeńni vizualnaj kultury». Padčas lekcyi Almira Usmanava vydatna tłumačyć, čamu siońnia, kali fotaaparat i telefon stali pracoŭnym instrumientam u mnohich prafiesijach, asabliva važna tłumačyć i razumieć vizualnaje, što takoje ŭmieńnie bačyć, što značyć być vizualna adukavanym i jak z hetym usim pracavać.

Chto vykładaje?

Siarhiej Lubimaŭ (dac. EHU, d-r sacyjałohii), Biendžamin Koŭp (EHU i Halereja Zachienta ŭ Varšavie, d-r fiłałohii), Miadrah Kuč (Z/KU ŭ Bierlinie i EHU), Alena Trubina (praf., d-r fiłasof. navuk, Uralski dziaržaŭny ŭniviersitet im. A. M. Horkaha ŭ Jekaciarynburhu), Andrej Hornych (praf. EHU, kand. fiłasofskich navuk), Dźmitryj Bojčanka (lektar EHU, mahistar sacyjałohii), Volha Sasunkievič (Univiersitet Hiotieborha, PhD), Almira Usmanava (praf. EHU, kand. fiłasofskich navuk), Halina Arłova (dac. EHU, kandydat psichał. navuk) i mnohija inšyja.

Što čytać?

P.S. Łandšafty: optyki haradskich daśledavańniaŭ. Zbornik daśledavańniaŭ haradskoj prastory.

Biełaruski farmat: niabačnaja realnaść. Zbornik daśledavańniaŭ, pryśviečanych analizu stanu i śpiecyfiki aktualnaj biełaruskaj kultury.

Vizualnaje (jak) hvałt. Zbornik daśledavańniaŭ, jakija pryśviečanyja analizu vizualnaha.

Što? Jurysprudencyja

Dzie vyvučać?

Na prahramie bieśpierapynnaha navučańnia «Mižnarodnaje prava i prava Jeŭrapiejskaha sajuza». Prahrama ŭjaŭlaje saboj poŭny cykł padrychtoŭki jurysta z vyšejšaj adukacyjaj; pa zakančeńni prahramy jaje vypusknikam prysvojvajecca stupień mahistra prava. Tyja, chto ŭžo maje vyšejšuju jurydyčnuju adukacyju i žadaje jaje praciahnuć, mohuć pastupić adrazu na mahistarski ŭzrovień prahramy. Abituryjenty padajuć dakumienty jak na vočnuju, tak i na dystancyjnuju formu navučańnia.

Što ja budu vyvučać na samaj spravie?

Mižnarodnaje kamiercyjnaje prava, prava intelektualnaj ułasnaści, paraŭnalnaje kanstytucyjnaje prava, pracoŭnaje prava, łohiku i rytoryku, kryminalnaje prava, sudaŭładkavańnie i asnovy hramadzianskaha pracesu, mižnarodnaje finansavaje prava, biznes-prava Jeŭrapiejskaha Sajuza, mižnarodnyja miechanizmy abarony pravoŭ čałavieka i mnohija inšyja kursy.

Prapanujem prasłuchać videa lekcyju prafiesara Aleha Breskaha «Jurydyčnaja adukacyja i prafiesija jurysta: asnoŭnyja tendencyi ŭ śviecie, Jeŭropie i Biełarusi». Padčas lekcyi Aleh Breski źviartajecca da historyi prava i raźvivaje pytańnie elitarnaści prafiesii jurysta, kaža pra toje, jak jurydyčnyja rašeńni i instytuty ŭpłyvajuć na sacyjalny klimat i inšyja śfiery žyćcia.

Chto vykładaje?

Barancava Karyna (dac. EHU, kand. fiłasof. navuk), Breski Aleh (praf. EHU, kand. jurydyčnych navuk), Vaškievič Alaksandr (praf. EHU, kand. jurydyčnych navuk), Ivanoŭ Kanstancin (dac. EHU, d-r prava), Sakałova Ała (prafiesar-emierytus EHU, kand. jurydyčnych navuk), Cimafiejeŭ Maksim (dac. EHU, doktar prava), Cimčanka Lilijana (praf. EHU, doktar prava), Stołpier Inesa (asistent EHU, mahistr prava) i mnohija inšyja.

Što čytać?

Ullašyna Ł. Mižnarodna-pravavyja standarty ŭ halinie pravoŭ čałavieka i ich realizacyja: teoryja i praktyka prymianieńnia

Śmirnoŭ A. Vučebna-mietadyčny dapamožnik pa kursie «Mižnarodnaje handlovaje prava»

Što? Palityčnyja navuki

Dzie vyvučać?

Na bakałaŭrskaj prahramie «Suśvietnaja palityka i ekanomika»

Prysvojvajecca stupień bakałaŭra palityčnych navuk z dadatkovaj stupieńniu bakałaŭra ekanamičnych navuk.

Na mahistarskaj prahramie «Publičnaja palityka» prysvojvajecca stupień mahistra palityčnych navuk.

Što ja budu vyvučać na samaj spravie?

Sistemy i refarmavańnie dziaržaŭnaja słužby, samakiravańnie, teoryju biurakratyi i palityčnaje ŭpraŭleńnie, palityčnyja sistemy i instytuty, mižnarodnuju i nacyjanalnuju biaśpieku, teoryju mižnarodnych adnosinaŭ, palityku enierhabiaśpieki, dypłamatyju, mihracyjnuju palityku i mižetničnyja adnosiny i šmatliki inšyja kursy.

Kab lepš ŭjavić, jakija palityčnyja pytańni abmiarkoŭvajucca padčas navučańnia, pahladzicie videa lekcyju Uładzimira Kavałkina — ekśpierta pa pytańniach reformy dziaržaŭnaj słužby i kiraŭnika prajekta «Košt urada» ŭ miežach daśledčaha centra BIPART. Uładzimir raspaviadaje pra toje, jak hrošy pastupajuć u naš biudžet i jak jany potym raźmiarkoŭvajucca, jak raźličvajucca padatki i kolki my na samoj spravie zarablajem.

Chto vykładaje?

Andrej Ściapanaŭ (dac. EHU, d-r sac.navuk), Taćciana Ščytcova (praf. EHU, d-r fiłasof. navuk), Viktar Marcinovič (dac. EHU, d-r mastactvaznaŭstva), Ina Ramašeŭskaja (SYMPA / BIPART), Taćciana Čulickaja (lektar EHU, d-r sac. navuk), Uładzisłaŭ Ivanoŭ (lektar EHU, mahistar palit. navuk), Alena Arcimienka (EHU, mahistr sacyjałohii), Pavał Usanaŭ (dac.EHU) i mnohija inšyja.

Što čytać?

Roŭda U. Paraŭnalnaja palitałohija. Vučebny dapamožnik. Častka 2 i Častka 3

Postsavieckaja publičnaść: Biełaruś, Ukraina. Zbornik navukovych prac, pryśviečany roznym aśpiektam publičnaści ŭ postsavieckich kantekstach.

Što? Prasoŭvańnie kulturnaj spadčyny, turystyčny biznes

Dzie vyvučać?

Na bakałaŭrskaj prahramie «Kulturnaja spadčyna i turyzm». Prysvojvajecca stupień bakałaŭra daśledavańniaŭ spadčyny.

Što ja budu vyvučać na samaj spravie?

Historyju mastactva, interpretacyju kulturnaj spadčyny, ekanomiku turyzmu, novyja miedyja, muziejaznaŭstva, antrapałohiju, turapierejtynh, markietynh u turyźmie, etnahrafiju, ekskursaznaŭstva i inšyja kursy.

Vy možacie prahledzieć admysłovuju videa lekcyju vybitnaha biełaruskaha mastactvaznaŭca i lektara EHU Siarhieja Chareŭskaha «Novy «stary» Minsk. Navošta Minsku Trajeckaj pradmieście».

U svajoj lekcyi Siarhiej Chareŭski źviartajecca da značeńnia restaŭracyi i renavacyi haradskich centraŭ i pomnikaŭ architektury. Asablivaje značeńnie jon nadaje tym sacyjalnym, kulturnym i etyčnym prablemam, jakija ŭźnikajuć u suviazi z restaŭracyjnaj dziejnaściu ŭ centry Minska i isnujučaj interpretacyi kulturnaj spadčyny.

Chto vykładaje?

Alaksandr Kałbaska (praf. EHU, kand. hist. navuk), Iryna Ramanava (praf. EHU, kand. hist. navuk), Śviatłana Arciušeŭskaja (dac. EHU, mahistar menedžmientu ŭ turyźmie), Siarhiej Chareŭski (lektar EHU, mahistar navuk), Ściapan Sturejka (lektar EHU, d-r humanitarn. navuk), Nadzieja Čarapan (lektar EHU, mahistar historyi), Hienadź Sahanovič (praf.EHU, kand. hist. navuk), Iryna Machoŭskaja (dac. EHU, kand. hist. navuk), Valancina Blišč (lektar EHU, kand. hist. navuk), Alena Krasnova (lektar EHU), Juryj Bačyšča (dac. EHU, kand. hist. navuk), Ina Sorkina (dac. EHU, kand. hist. navuk), Andrej Čarniakievič (dac. EHU, kand. hist. navuk) i inšyja.

Što čytać?

Smalančuk A. Historyja Biełarusi kanca XVIII — pačatku XX ct. ŭ dakumentach i materyjałach.

Chareŭski S. Kultavaje dojlidstva Zachodniaj Biełarusi 1915—1940 hh.

Vy možacie stać častkaj akademičnaj supolnaści EHU ŭžo ŭ hetym navučalnym hodzie, pastupiŭšy na adnu z bakałaŭrskich abo mahistarskich prahram.

U žniŭni EHU prapanuje abituryjentam try bakałaŭrskija prahramy vočnaj i dystancyjnaj form navučańnia — «Kulturnaja spadčyna i turyzm», «Suśvietnaja palityka i ekanomika», «Mižnarodnaje prava i prava Jeŭrapiejskaha sajuza» i try mahistarskija prahramy — «Publičnaja palityka», «Kulturnyja daśledavańni» (śpiecyjalizacyi: «krytyčnyja haradskija daśledavańni», «vizualnyja i kulturnyja daśledavańni», «hiendarnyja daśledavańni»), «Mižnarodnaje prava i prava Jeŭrapiejskaha sajuza». Navučalnyja prahramy EHU nakiravanyja na raźvićcio krytyčnaha myśleńnia i kreatyŭnaści, a taksama farmiravańnie pahłyblenych viedaŭ pa abranaj śpiecyjalnaści.

Źviarnicie ŭvahu!

Elektronnyja ankiety abituryjentaŭ bakałaŭrskich i mahistarskich prahram prymajucca da 12 žniŭnia.

U chodzie pryjomnaj kampanii abituryjentam bakałaŭryjatu treba budzie zdać ustupnyja ekzamieny pa ese i zamiežnaj movie, prajści sumoŭje z pryjomnaj kamisijaj.

Ekzamieny projduć u Minsku 10 žniŭnia (ese) i 11 žniŭnia (URT) pa adrasie Čechava, 3.

Abituryjenty mahistarskich prahram prymuć udzieł u anłajn-ekzamienie pa anhlijskaj movie 11 žniŭnia.

Sumoŭje adbudziecca 16 žniŭnia ŭ anłajn-farmacie dla ŭsich abituryjentaŭ.

Pa pytańniach pastupleńnia źviartajciesia pa eł. pošcie recruitment@ehu.lt, Skype: QuestionEHU abo teł. +370 5 2639650

Клас
Панылы сорам
Ха-ха
Ого
Сумна
Абуральна