U padmaskoŭnaj Bałašysie zaviaršylisia dziasiatyja jubilejnyja spabornictvy sił śpiecyjalnaha pryznačeńnia vojskaŭ Nacyjanalnaj hvardyi Rasijskaj Fiederacyi pa vajskovym tryjatłonie.
Fota: SPBT «Ałmaz»
U spabornictvach udzielničali najlepšyja bajcy FSB, MUS, FS VNH i inšych siłavych viedamstvaŭ Rasii, a taksama śpiecnazaŭcy z elitnaha biełaruskaha padraździaleńnia pa baraćbie z teraryzmam «Ałmaz».
Spabornictvy pa tryjatłonie ŭklučajuć try asnoŭnyja dyscypliny: pieraadoleńnie pałasy pieraškod, ahniavaja padrychtoŭka i vyšynnaja padrychtoŭka. Tryjatłon śpiecyjalnaha pryznačeńnia — heta, chutčej, navat nie sport, a imitacyja realnych bajavych dziejańniaŭ, da jakich pavinien być hatovy kožny śpiecnazaviec.
Fota: SPBT «Ałmaz»
Fota: SPBT «Ałmaz»
Fota: SPBT «Ałmaz»
Tamu vystupajuć jany ŭ poŭnaj ekipiroŭcy, jakaja važyć kala 30 kh: šlem, ciažkaja broniekamizelka, procihaz, radyjostancyja, aptečka, niekalki vidaŭ zbroi, lichtary, hranaty, vada, nasiłki i inšy taktyčny ryštunak.
Dla paśpiachovaha finišu tut adnoj fizičnaj padrychtoŭki niedastatkova. Patrabujecca nabor navykaŭ i refleksaŭ, jakimi vałodajuć tolki supracoŭniki, jakija praviali papiaredni kurs padrychtoŭki. Pa vynikach dvuch etapaŭ žury ŭ čaćviorty raz zapar pryznała pieramožcam kamandu SPBT «Ałmaz» MUS Biełarusi, paviedamlaje partał TUT.BY.