Nacyjanalny bank Ukrainy admoviŭsia dać zhodu na kuplu kansorcyumam, u jaki ŭvajšli łatvijski Norvik Bank (akcyjanier Ryhor Husielnikaŭ) i kampanija, jakaja naležyć synu asnoŭnaha ŭładalnika kampanii «RussNiefť» i hrupy «Safmar» Saidu Huceryjevu, ukrainskaj «dački» Śbierbanka.
Padstavaj dla admovy ŭ pres-słužbie rehulatara RBK nazvali niepradastaŭleńnie inviestarami dakumientaŭ, nieabchodnych dla ažyćciaŭleńnia pravierki na pradmiet ich adpaviednaści patrabavańniam zakanadaŭstva Ukrainy.
Krynica, znajomaja ź situacyjaj, paviedamiła RBK, što padstavaj dla admovy stała niedastatkovaść ułasnych srodkaŭ pakupnika i niepaćvierdžanyja źviestki pra krynicy ich pachodžańnia.
U siaredzinie sakavika 2017 hoda prezident Ukrainy Piatro Parašenka uvioŭ sankcyi ŭ dačynieńni da piaci ŭkrainskich bankaŭ z rasijskim kapitałam, u lik jakich patrapiła i «dačka» Śbierbanka. Nieŭzabavie pres-słužba najbujniejšaha rasijskaha dziaržbanka abviaściła ab damoŭlenaści pa prodažy 100% akcyj ukrainskaha PAO «Śbierbank» kansorcyumu Huceryjeva i Husielnikava.
Biełaruski biźniesmien Viktar Prakapienia, jaki ŭ kancy červienia padavaŭ zajaŭku na kuplu ŭkrainskich aktyvaŭ Śbierbanka, zajaviŭ tut.by, što pa-raniejšamu zacikaŭleny ŭ damoŭlenaści. «U dadzieny momant čakajem rašeńnia rehulataraŭ u dačynieńni da našaj zajaŭki», - skazaŭ jon.
Pieršym krokam pavinna stać kupla Prakapieniem Parytetbanka, jaki znachodziŭsia pad kantrolem Kiraŭnictva spravami prezidenta Biełarusi. 21 lipienia Alaksandr Łukašenka ŭchvaliŭ prodaž banka. Adnak, jak skazaŭ Viktar Prakapienia, ździełka pa nabyćci Parytetbanka jašče nie zavieršanaja